2011-ci il üçün Şərqi Avropa ölkələrində çalışan gənc oftalmoloqlara Avropa Oftalmologiya Cəmiyyətinin təqdim etdiyi təhsil qrantına ərizə qəbulu başlanıb.

Avropa Oftalmologiya Cəmiyyəti (European Ophthalmological Society -SOE) hər il Şərqi Avropa ölkələrinin gənc oftalmoloqlarına Qərbi Avropa ölkələrinin aparıcı oftalmoloji mərkəzlərində təcrübə keçmək imkanı yaradır.

Qərbi Avropa ölkələrinin aparıcı mərkəzlərində 4-6 həftəlik təcrübə keçmək üçün seçilmiş gənc oftalmoloqlara 1000 avro həcmində qrant verilir. Qrant proqramının məqsədi və mərkəzlərin siyahısı ilə tanış olmaq üçün bizim və ya SOE-nin saytından ətraflı məlumat əldə edə bilərsiniz.

Əgər ingilis dili bilikləriniz Qərbi Avropanın dünya şöhrətli oftalmoloji mərkəzlərindən birində kursda iştirak etmək imkanı verirsə, o zaman yubanmadan on-line ərizə formasını doldurub proqramda iştirak edin.

 
Qrant proqramında iştirak etmək üçün ərizələrin qəbulu oktyabr ayının 30-u bitir.

Komitə ərizə formaları ilə tanış olaraq, proqramda iştirak etmək üçün seçilmiş oftalmoloqları bu ilin noyabr ayında nəticələr barədə məlumatlandıracaq.

Emin Əlihüseynli, MOİYB-nin sədri.